علي باب السفارة و بوابة تفتيش ..... ( من اجمل ما كتب علي سلامة )

فيديو بصوت علي سلامة ( بوابة تفتيش )اااا




بوابة تفتيش
-------------------------------


بوابة تفتيش على بابك
كل ما احَاول أعدى تزمر
وبتتشرط
وبتتأمر
أرَجَع أدَور تاني وأدور
وكل ما أعدي برضه تزمر
دب أدي الساعة
وأدي حزامي
وآدى بطاقتي
والنضارة
وآدى عنواني
وكل حَكَايَتي
وآدى أمارة
حتى الفكة الباقية في جيبي
والأشعار
والمحفظة مفيهاش غير صورتك
ليل ونهار
كل هدومي
زي ما نازل من بطن أمي
من غير حتى ورقة توت
وكل ما أفوت
البوابة برضك تزمر
ولما لمحني
واحد طَيب م الحراَس
وقَاللي اسْمَعني يا ابن اَلَناس
إرمي الحته الحلوة في قلبك
وعَدى
البَوابَة عمرهَا
ما تزمر




على باب السفاره......
-------------------------------


على باب سفارة كندا
..لمحت ابليس و ف ايده استماره
..بقول له على فين
..قاللي بص
..يا هجره يا اعاره
..يا عم زهقت كفرت
..الاقيش معاك سيجاره
..انا انتهيت خلاص
..لا نافع وسواس ولا خناس
..ولا ليا عيش وسط الناس
دي عالم مجرمين
..عندكوا فائض ف الفساد
..في كل البلاد
..ومش محتاجين شياطين
..مليش عيش ف البلد دي
....بقالي سنين عاطل
...و انتوا بتعرفوا
..تقلبوا الحق باطل
..و تسلكوا القاتل
..و تمشوا ف جنازة المقتول
..ومفيش مشاكل
..يا عم ده انا بقيت أوسوس بالمقلوب
...و أقول للحرامي كفايه بقى توب
..انت هاتعمل كل الذنوب لوحدك
...و أنا ابليس
أشتغل واعظ
..ولا كمساري ف اتوبيس
..يا عم ده انا زمان
..كنت استنى حد ينسى
يسمي
..وهو بياكل لقمته
..دلوقتي كل اكلكم ملوث
..و بصراحه الواحد خايف على صحته
...ده مفيش ضمير اساسا
..عشان اموته
..و كل واحد بمزاجه
..خربانه ذمته
...يا عم ده كل حاجه اتسرقت
..وكده الاجيال الجديده
..م الحراميه اتظلمت
..يا راجل ده من كتر ما لطشت معايا
..خرجت ف مظاهره
..مع الناس اللي بتقول كفايه
وبرده مفيش فايدة

الاعيب حكومة فاسدة وتحضر شعب مغلوب علي امره

كنت اظن ان خطاب رئيس الوزراء في موضوع اجريوم , سوف يكون استجابة حقيقة لوقفة متحضرة لابناء دمياط , الا انني فوجئت , ان الامر كله لا يتعدي كونه استهانة بالناس , ومحاولة فرض امر واقع عليهم , فاجريوم لن تنتقل , اجريوم ستتواجد , ولكن فقط , باسم اخر ( موبيكو ) , اسم حكومي , رصيف الميناء التي تملكه اجريوم سيبقي , و التلوث امر تحاول ان تفرضه الحكومة وتتلاعب بالكلمات لتقره وتزينه , الموت بالكبد الوبائي وبالسرطانات لا يعني الحكومة من قريب او من بعيد . كل ما يعنيها هو محاولة انهاء لعبة قذرة , بدءوها ويحاولون انهاءها , هذه اللعبة القذرة التي ستضمن القضاء نهائيا علي كل المجتمعات العمرانية الجديدة في دمياط , فراس البر , تسبقها دمياط الجديدة , هذه المجتمعات العمرانية التي ارتقت بالمحافظة وافادت ابناء البلدة وابناء البلاد المجاورة , هذه اللعبة من الشد والجذب والكذب
عواقبها سوف تكون في غاية السوء


لان الاستهانة براي مجتمع باكمله , والاستهانة بحياة الناس لن تولد الا كرها وغضبا و بلاءا مبينا


اللهم عافنا واهلينا

فرقة اوتار الفن الاصيل

احياء تراث الشيخ الجميل الشيخ امام وكلمات نجم